大家覺唔覺得聖誕節係街食聖誕大餐或自助餐好唔抵?? 因為貴得來又無咩野食, 仲要分時段, 每時段得一個多小時?? 根本唔多夠時間比朋友們gathering 同慶祝

唔知大家點睇呢?

我都覺得既...不過去食又有氣氛d....所以好難揀既....

我都覺,如果可以係屋企咁開PARTY最好
不受時間限制,價錢又平好多
花D心機同時間佈置就可以好有氣氛
當然~要有一個人既屋企OK先得啦~

我都覺得到外面食聖誕大餐又貴又未必好食,仲要同人迫
不如叫一些食物質素ok同價錢合理的到會,
上年食過大家樂,食物一般,重量不重質,不太滿意,
反而食過Pokka Cafe的較有心思,質素有咁上下,
俾多少少錢,但大家食得開心d都值得

其實好多唔係自助餐o既餐廳, 都好有心機咁佈置, 同埋諗聖誕餐單!
我建議你去揾一間未食過O既餐廳試下, 當係自己o既聖誕驚喜!!

如果可以同家人、同朋友可以開開心心咁過一日，我覺得一定係值得o既。

快樂o既時光，開心o既氣氛，同埋一班人o既滿足感有時有$$都買唔到呀。

所以這些東西不可全部以$$來衡量佢人個價值。最緊要係大家投入節日，高高興興！

平時去食自助餐都係食差唔多架野..  
但聖誕果幾日就多人都爆  服務又冇咁好 時間又少左
最緊要價錢貴成倍    十分不值

係屋企 or cafe 開下party 仲好啦  =]

大家節日去食既多數都係食氣氛嫁喇

如果經濟許可ge話都可以接受呀.
話晒一年先得一次christmas!
同屋企人/朋友/另一半去慶祝下心情都靚d la..
再唔係咪o係屋企搞個大食會law