一向嗜辣, 近年更愛上麻辣, 近期開始在灣仔返夜學, 間唔時想食麻辣都會去附近最近的 "譚仔", 越夜去越睇到佢哋咩經營之道.

佢哋收22:30, 22:20仲可以入客/落單, 跟住佢哋方死收唔切工咁, 趕客咁; 上次看不過眼, 第2日, 打電話去佢CS complainted, 佢哋通話的時候好sincere咁話會跟進, 但越來越離譜, 昨晚非常爆滿, 客人呢頭order, 嘢都未嚟, 就叫人埋單, 等了一陣, 客人追食物, 個亞姐 "係咪打包", 個客人才火起.... 嗰陣大約22:10, 22:20左右仲落埋閘

大家話佢哋係咪揾食gar, 有病.... 睇佢幾時摺埋

我見觀塘間仲好多人排隊喎~

哼!果間譚仔真係煩，唔比坐得耐，亞姐睇住我差唔多食完野，下一位企呢度..=_=..不過譚仔幾好食，下次坐低慢慢食咁樣會坐耐D啦!!!

d人明知佢幾點關門架麻,點解仲要入去姐
唔食譚仔灣仔仲有大把野食喇

哈哈, 好 橋, 絕

說話唔係咁講, 電視宣傳都有講 "今時今日咁既服務態度, 唔得既"

唔食佢梗係唔使死, 大家都唔食佢, 你睇吓邊個死,  打開門口做生意, 入得客就應該招呼,